![](/wp-content/themes/yootheme/cache/b6/insta1-b66606c8.png)
7 gcuntas ar Instagram d’fhoghlaimeoirí Gaeilge
Seo iad cuid de na cuntais is bríomhaire agus tarraingtí ar Instagram atá dírithe ar fhoghlaimeoirí Gaeilge. Dar ndóigh, is múinteoirí a chuir formhór de na cuntais seo ar bun agus úsáideann siad meascán de Ghaeilge agus de Bhéarla ina bpostálacha, de réir mar is gá.
Tá go leor cuntas eile ann agus an Ghaeilge mar an phríomhtheanga chumarsáide acu, agus is cinnte go dtiocfaidh an foghlaimeoir orthu de réir a chéile agus iad ag baint úsáid rialta as an ardán.
@irishwithmollie. Tá 123 míle leantóirí ag irishwithmollie ag an bpointe seo agus cuireadh tús leis i 2022. Roinneann sí íomhánna agus físeáin ag míniú focail, leaganacha cainte, agus pointí gramadaí, agus ag plé ábhair agus ceisteanna a bhaineann leis an nGaeilge. Cuireann sí cúrsaí Gaeilge ar fáil freisin agus is léir ó leagan amach a cuntas go bhfuil cur chuige an-struchtúrtha aici.
@gaeilge_bheo. Tá thart ar 31 míle leantóirí ag an gcuntas seo, atá ar siúl ó 2019. Roinntear postálacha faoi ábhair áirithe – focail, pointí gramadaí, seanfhocail agus scéalta ábhartha an lae, i stíl shoiléir agus neamh-fhoirmiúil.
@gaeilgesabhaile. Tá 28 míle leantóirí ag an gcuntas seo, agus is ar theaghlaigh óga atá sé dírithe, don chuid is mó. Stórtha focail agus leaganacha cainte is mó atá acu, le híomhánna agus físeáin.
@gaeilge_i_mo_chroi. Tá stíl phearsanta ag an gcuntas seo, atá ar siúl ó 2019 agus ag a bhfuil 24 míle leantóirí. Roinneann sí a tuairimí maidir le gnéithe mearbhlacha an teanga agus i mbealach úr siamsúil.
@gaeilgevibes. Ceann de na cuntais is sine anseo, bunaíodh é i 2016 agus tá 22 míle leantóirí acu. Cosúil le @gaeilge_i_mo_chroi, tá stíl roinnt phearsanta ag an údar, ag labhairt faoi fhocail, nathanna cainte, chúrsaí gramadaí agus eachtraí eile ina saol féin.
@cuplafocal. Tá beagnach 20 míle leantóirí ag an gcuntas seo, agus iad ag cur amach postálacha loma simplí.
@peascaeasca. Is grúpa de mhúinteoirí a bhunaigh an cuntas seo i 2018 agus tá níos mó ná 16 míle leantóirí acu anois. Cuireann siad réimse leathan d’ábhair ar fáil agus memes siamsúla faoi na scéalta atá i mbéal an phobail.
Tá neart cuntas eile ar Instagram gur fiú leanúint, cosúil le @j_a_debrun, @labhair_liom, @frasaigaeilge, @muinteoir_nicoleee (ceol & Gaeilge), @makingirishsentences agus níos mó.
Aon tuairimí eile agaibh ar chuntais iontacha nach bhfaigheann a ndhóthain poiblíochta? Cuir chugainn iad ag peig@cnag.ie!