![](https://stage.peig.ie/wp-content/uploads/2023/11/BUNACHAR-1080x540-12.png)
Gairmeacha le Gaeilge in Éirinn
Déantar cur síos san alt seo ar na hacmhainní úsáideacha agus tú ag lorg eolais faoi ghairmeacha le Gaeilge.
Is buntáiste luachmhar í an Ghaeilge agus tú ag lorg fostaíochta anseo in Éirinn nó níos faide i gcéin. Is iomaí deis atá ar fáil dóibh siúd a bhfuil Gaeilge acu san earnáil phoiblí, le comhlachtaí gnó agus riaracháin, in earnáil an chultúir, sna meáin agus iriseoireacht, san aistriúchán agus ateangaireacht agus sa chóras oideachais.
Tá bileog chuimsitheach eolais faoi phoist fhéideartha ar fáil anseo agus féach thíos chun teacht ar eolas breise faoi acmhainní sna hearnálacha éagsúla.
Tá bord folúntas ar an suíomh seo, an bord is mó úsáide Gaeilge atá ann. Is féidir cuairt a thabhairt air anseo.
Acmhainní Ginearálta
- Na forais oifigiúla don Ghaeilge
- Gairmthreoir ar líne
- Obair dheonach agus Taithí Oibre
- Folúntais le Gaeilge i ngach earnáil
An Státseirbhís agus an tSeirbhís Phoiblí
Tá os cionn 300,000 duine fostaithe sa tseirbhís phoiblí agus sa státseirbhís i bPoblacht na hÉireann. Bhíodh meas i gcónaí ar chumas Gaeilge san earnáil phoiblí agus tá go leor post dá dteastaíonn líofacht sa Ghaeilge, go háirithe i gceantair Ghaeltachta, sa Roinn Sláinte agus sa Roinn Oideachais.
Acmhainní
- An Coimisinéir Teanga
- Folúntais i Rialtais Áitiúila
- Earcaíocht Státseirbhís Thuaisceart Éireann
- An tSeirbhís um Cheapacháin Phoiblí
- Múineadh na Gaeilge i scoileanna
- Cúrsaí Múinteoireachta
- Gairmeacha Oideachais
- Folúntais Oideachais
- Forbairt Scolaíochta trí mheán na Gaeilge
- Coimisiún Fulbright
- Fondúireacht Ollscoil Éireann Cheanada
An Earnáil Phríobháideach
Is margadh ionchasach suntasach é pobal na Gaeilge d’earraí agus seirbhísí le agus trí Ghaeilge. Tá go leor comhlachtaí tosaithe ag díriú ar an margadh seo agus ag tairiscint a gcuid seirbhísí trí mheán na Gaeilge, chun sochar a bhaint as an deis seo. Cosúil le forbairt gairme in aon earnáil eile, bíonn dul chun cinn bunaithe ar fheidhmíocht, agus, sna comhlachtaí is mó go háirithe, an cumas seasamh amach sa slua.
Acmhainní don fhiontraí
Acmhainní don chuardaitheoir poist
Earnáil an Chultúir
Is cuid bhríomhar de shaol sóisialta agus eacnamaíoch na hÉireann í earnáil an chultúir. Cé go n-oibríonn roinnt céimithe mar chleachtóirí ealaíon, tá deiseanna ann freisin d’fhoireann theicniúil, oideachais agus riaracháin taobh istigh d’eagraíochtaí tacaíochta.
Acmhainní
- An Chomhairle Ealaíon
- Comhairle Ealaíon Thuaisceart Éireann
- Colmcille – cur chun cinn úsáid na dteangacha Gaelacha idir Éire agus Albain
- An Comhlachas Náisiúnta Drámaíochta
- Ealaín na Gaeltachta
- An Chomhairle Oidhreachta
- Cumann na gCartlannaithe – an Ríocht Aontaithe agus Éire
Na Meáin Chumarsáide
Is buntáiste í an Ghaeilge dóibh siúd atá ag obair leis na meáin chlóite, na meáin chraolta agus na meáin dhigiteacha. Bealach iontach le dul i gcion ar fhostóirí ionchasacha sa réimse seo is ea é léiriú dóibh go bhfuil suim agat sna meáin trí obair a dhéanamh le stáisiúin raidió phobail nó dheonacha cosúil le Raidió na Life agus Raidió Fáilte.
Acmhainní Ginearálta
Acmhainní
- Tuairisc.ie – Suíomh Nuachta Náisiúnta na Gaeilge
- NÓS.ie
- COMHAR
- EXtraG.ie
- Irish Times/Tuarascáil
- Independent.ie/Seachtain
- Gréasán Scannán agus Teilifíse na hÉireann
- Léiritheoirí Scáileáin na hÉireann – comhlacht ionadaíoch do léiritheoirí neamhspleácha scannán, beochana agus teilifíse
- TG4
- RTÉ le Gaeilge
- Fís Éireann – gníomhaireacht náisiúnta scannán na hÉireann
- Northern Ireland Screen – gníomhaireacht náisiúnta scáileáin do Thuaisceart Éireann
Stáisiúin Raidió
Aistriúcháin & Athteangaireacht
Tá Acht na dTeangacha Oifigiúla (2003) agus aitheantas don Ghaeilge mar theanga oifigiúil oibre den Aontas Eorpach tar éis cur leis na deiseanna atá ar fáil i réimsí an aistriúcháin agus na hateangaireachta. Is éard atá i gceist le haistriúchán ná téacs a chur ar fáil i dteanga agus i gcultúr éagsúil do lucht léitheoireachta agus do chuspóir ar leith. Tá an ateangaireacht difriúil ón aistriúchán sa mhéid is go bhfuil sí bunaithe ar chumarsáid béil, seachas ar chumarsáid scríofa.
Acmhainní
- Foras na Gaeilge
- Údarás na Gaeltachta
- Cumann Aistritheoirí agus Teangairí na hÉireann
- Eolaire acmhainní um aistriúchán gairmiúil
- Graduate Careers in Languages – An Eoraip
- An Oifig Eorpach um Roghnú Pearsanra
- Ard-Stiúrthóireacht Aistriúcháin an AE
- Ard-Stiúrthóireacht Ateangaireachta an AE
Uasdátaithe: Samhain 2023